दामनमा ८ भारतीय पर्यटकको मृत्यु : ‘आफैंले ल्याएको रक्सी पिए, हिटर नबाल्नू भन्दा मानेनन्’
दामनको एभरेस्ट पानोरमा रिसोर्टमा बेहोस भएर मृत्यु भएका भारतीय पर्यटकले सोमवार राति आफैंले ल्याएको रक्सी पिएको खुलेको छ ।
रिसोर्टमा भारतीय पर्यटकले आफैंले बोकेर ल्याएको रक्सी पिएको थाहा नगरपालिका–४ का वडाध्यक्ष दिपकसिंह लामाले बताए ।
‘आफैंले ल्याएकोमध्ये आधा रक्सी रिसोर्टको बारमा बसेर खाएका रहेछन् । त्यसपछि आधा रक्सी होटलको कोठामै लगेका रहेछन्,’ उनले भने ।
वडाध्यक्ष लामाका अनुसार भारतीय पर्यटकहरू काठमाडौंबाट पोखरा हुँदै दामन पुगेका थिए । काठमाडौंबाट पर्यटक बस ‘रिजर्भ’ गरेर भारतको केरलाका १५ जना पर्यटक सोमवार साँझ रिसोर्टमा बसेका थिए ।
