पश्चिमी बायु नेपालमा सक्रिय, देभभर हिमपात र बर्षा
पश्चिमी वायुको शक्तिशाली न्यून चापीय प्रणाली नेपालमा सक्रिय बनेको छ । न्यून चापीय प्रणाली सक्रिय बनेपछि आज उच्च पहाडी तथा हिमाली भेगमा हिमपात र देशका केही स्थानमा वर्षाको सम्भावना रहेको मौसम पूर्वानुमान महाशाखाले जनाएको छ।
आजदेखि पश्चिमी न्यून चापीय प्रणाली सक्रिय बनेको र यसका बादल नेपालका पश्चिमदेखि पूर्वसम्मका आकाशमा फैलिसकेको मौसमबिद्हरुले बताएका छन् । पूर्वदेखि पश्चिमसम्मैका उच्च पहाडी तथा हिमाली भेगमा हिमपात एवं देशका केही स्थानमा वर्षाको सम्भावना रहेको छ ।
बर्षा र हिमपातपछि तापक्रममा निकै गिरावट आउने संभावना रहेको छ । काठमाडौंमा उपत्यकाको न्यूनतम तापक्रम १.८ डिग्री सेल्सियस छ।
