निलमको सम्बन्ध बिच्छेदको नाटक, न रामकृष्णको घर छोडिन् , न साथ
रामकृष्ण ढकाल कुनै समय नेपाली समाजमा सर्वाधिक रुचाइएका गायक हुन् । उनको जादुमय आवाज केही दशकदेखि खुम्चिएको छ । जति प्रयास गरेपनि रामकृष्णको आवाज अहिलेको नेपाली समाजमा चल्न छोडेको छ । लगभग गुमनाम भइसकेका रामकृष्ण ९ पुसमा एक्कासी चर्चामा आए । नेपालका लगभग सवै सञ्चारमाध्यमतले प्राथमिकतामा राखेर उनको समाचार लेखे ।
सामाजिक गीतको थिएन । काठमाडौं जिल्ला अदालतबाट सम्बन्ध बिच्छेदको थियो । पत्नी निलम शाह ढकालसँग उनले ९ पुसमा १७ बर्ष लामो बैबाहिक जीवनलाई अन्त्य गरेका थिए । तर उनको अदालती सम्बन्ध बिच्छेद एक नाटक मात्र भएको प्रमाणित भएको छ ।
सम्बन्ध बिच्छेदपछि निलमले न घर छोडेकी छन् न त बेड । पति पत्नीकै रुपमा पहिलेजस्तै बसिरहेका छन् । तर किन सम्बन्ध बिच्छेदको नाटक ? यतिबेला उनको फेरी आलोचना शुरु भएको छ । कतिपयले ऋण ठगी गर्न रामकृष्णले यो नाटक गरेको भन्न थालेका छन् । अदालतको सम्बन्ध बिच्छेदमा पनि पत्नी निलमले कुनै सम्पति नलिने आदेश भएको छ ।
रामकृष्णको झण्डै सहकारी र बैंकमा गरी ५ करोड ऋण भएको दावी गरिदै आएको छ । आफ्नो सम्पति र आम्दानी पत्नीलाई दिने तर पत्नीसँग सम्बन्ध बिच्छेद गर्दा उनी कानुनीरुपमा बच्न सक्ने उपाय खोजेको भन्ने आरोप लाग्न थालेको छ ।
रामकृष्ण र निलम अलग भएका छैनन् । उनीहरु लगत नभएको प्रमाण शनिबार साँझ काठमाण्डौको सोल्टी होटलमा देखिएको थियो । सोल्टीमा ‘अ म्युजिकल जर्नी अफ रंजित गजमेर विथ आशा भोस्ले’ कार्यक्रम थियो । कार्यक्रममा रामकृष्ण र निलम छोरीसँगै उपस्थित भएका थिए ।
कार्यक्रम अवधीभर उनीहरुको सामिप्यता र हाउभाउ सम्बन्ध बिच्छेद जस्तो थिएन । पति पत्नी जस्तै थियो । यसले कतै पनि उनीहरुको डिभोर्स भएको छ भन्ने भान हुदैनथ्यो । अदालतबाट सम्बन्ध बिच्छेद भएकै दिन रामकृष्णले आफुहरु अलग नभएको सामाजिक सञ्जालबाट जानकारी पनि गराएका थिए ।
