अब फेसबुकबाट चरित्रहत्या गरे १५ लाख जरिवाना, ५ बर्ष कैद
सूचना प्रविधिको सम्बन्धमा व्यवस्था गर्न बनेको विधेयक संसदीय समितिबाट पारित भएको छ । विधेयकले ऐन बनेपछि सामाजिक सञ्जाल सञ्चालन गर्न चाहने व्यक्तिले सूचना प्रविधि विभागमा दर्ता गर्नुपर्नेछ ।
सूचना प्रविधिसम्बन्धी ऐन लागू हुनुअघि सञ्चालनमा रहेका सामाजिक सञ्जाल तोकिएको समयभित्र दर्ता गरिनुपर्नेछ । नेपालमा दर्ता नभएको व्यक्तिले सञ्चालन गरेको सामाजिक सञ्जाल प्रयोगमा सरकारले रोक लगाउन सक्ने विधेयकमा उल्लेख छ । सञ्जाल दुरुपयोग गरे कसुरदारलाई १५ लाख रुपैयाँसम्म जरिवाना वा पाँच वर्षसम्म कैद वा दुवै सजाय हुनेछ ।
