नेपालकी अनुपमा मगरले जितिन् स्वर्ण
नेपालकी अनुपमा मगरले १३ औँ दक्षिण एसियाली खेलकुद (साग)मा स्वर्ण जितेकी छिन् ।
सातदोबाटोस्थित कराते हलमा आज(बुधबार) भएको खेलमा अनुपमाले एसियन गेम्सकी कास्य पदक विजेतालाई हराउँदै स्वर्ण दिलाएकी हुन्
उनले करातेको ६८ केजी समुहमा स्वर्ण जितेकी हुन् । अनुपमाले पाकिस्तानकी नर्गिसलाई ६–३ अंकले पराजित गर्दै स्वर्ण जितिन् । सुरुमै पाकिस्तानी खेलाडीले अग्रता बनााए पनि अनुपमाले उत्कृष्ट पुनरागमन गर्दे खेल आफनो पक्षमा पारिन् । नर्गिस इन्डोनेसियामा गत वर्ष भएको एसियाली खेलकुदकी कास्य पदक विजेता हुन् ।
त्यसअघि अनुपमाले श्रीलंकाकी विजेकुन माथिमोहमदमाथि ७–४ को जितका साथ अन्तिम दुईको यात्रा तय गरेकी थिइन् ।
करातेमा नेपालको स्वर्ण पदक संख्या १० पुगेको छ । करातेमा नेपाल अहिले सम्म कुनै पनि इभेन्टमा पदक विहिन भएको छैन । करातेका अब ३ इभेन्ट बाँकी छन् ।
यस्तै ५० केजी तौल समूहमा अहमद नोमानसँग ४–३ अंकले पराजित हुँदै सोनाम लामाले कास्य पदकमा चित्त बुझाए । यो तौल समूहमा सोनामलाई पराजित गरेका अहमदले नै श्रीलंकाका खेलाडीलाई पराजित गर्दै स्वर्ण जिते ।
उसुमा पहिलो दिन दुई स्वर्ण जितेको नेपालले आज एक स्वर्ण थपेकाे छ । यसअघि नेपालका दीपक हमालले स्वर्ण जितेका छन् । उनले उसु थाउलोअन्तर्गत नान छ्वान अलराउन्डमा स्वर्ण जितेका हुन् ।
