गढीमाई मेलामा ११ हजार राँगाको बलि दिइने

हाम्रो इकोनोमि

 

बाराको महागढीमाई मेलामा पशुलाई बलि दिन सुरु गरिएको छ । बाराको महागढीमाई नगरपालिकाको बरियारपुरमा मंगलबार राँगाको बलि दिइँदैछ । पञ्चबलीको रुपमा मुसा, बोका, पाठी, परेवा र हाँसलाई बलि दिइने गढीमाई पञ्चवर्षिय मेलामा आज राँगाको मात्र बलि दिइदैछ ।

यस ठाउँमा सोमबार रातीदेखी तान्त्रिक विधिबाट गढीमाई मन्दिरमा पुजा शुरु गरिएको थियो । यस मन्दिरमा पुजा गर्दा गर्दै आफै बत्ति बलेमा पुजा सुरु भएको मानिन्छ ।

पुजा गर्दा गर्दै बत्ति बलेपछि शुरुमा पाँच बर्ष भन्दा बढी उमेर भएका बोका र सेतो मुसाको बलि दिइएको थियो । गढीमाई मेला मूल समारोह समितिका अनुसार करिव ११ हजार राँगा बलिका लागि समितिमा दर्ता भएको जनाइएको छ ।