श्रीलंकालाई नेपालले दियो १७३ रनको लक्ष्य
१३ औं दक्षिण एसियाली खेलकुद (साग) को क्रिकेटमा नेपालले श्रीलंकालाई १७३ रनको लक्ष्य दिएको छ । टी–२० म्याचमा टस हारेर पहिले ब्याटिङ गरेको नेपालले निर्धारित २० ओभरमा ५ बिकेट गुमाउँदै १७२ रन बनाएको छ ।
नेपालका स्टार ब्याट्सम्यान पारस खड्का र कप्तान ज्ञानेन्द्र मल्ल आउट भएपछि दवावमा परेको नेपाली टीमलाई दिपेन्द्र सिंह ऐरीले समालेका थिए । उनी एक्लैले ७२ रनको विस्फोटक पारी खेले । ४४ बलको सामना गरेका ऐरीले ४ चौका र ३ छक्का प्रहार गर्दै नेपाललाई सम्मानजनक स्थानमा पुरयाएका छन् ।
पारस खड्का १ रनमा आउट हुँदा कप्तान ज्ञानेन्द्र मल्ल २१ रनमा आउट भएका थिए । पवन सरार्फले पनि २१ रनको योगदान दिएका छन् । श्रीलंकाका पीएचकेडी मेन्डिसले २ विकेट लिएका छन् भने अन्य तीन खेलाडीले एक, एक विकेट लिएका छन् ।
