पोखरामा वडाध्यक्षको घरमा बम विष्फोट
पोखरामा आज (सोमबार) विहानै बम विष्फोट भएको छ । पोखरा महानगरपालिका–३३ का अध्यक्ष शिव आचार्यको घरमा सोमबार बिहानै बम बिष्फोट भएको प्रहरीले जानकारी दिएको छ ।
बम बिष्फोटका घरमा पार्किङ गरेर राखिएको ग २ च ४२६ नम्बरको टोयटो हाइलक्स गाडी क्षतिग्रस्त भएको छ । घटना बिहान २ः१५ तिर भएको वडा प्रहरी कार्यालय बैदामका डिएसपी कोमल शाहले जानकारी दिएका छन् ।
घटनामा प्रतिबन्धित नेत्रविक्रम चन्द ‘विप्लव’ समूहको हात रहेको आशंका प्रहरीले गरेको छ । घटनाबारे थप अनुसन्धान भइरहेको शाहले बताएका छन् ।
