रवि लामिछानेसहित तीनैजना आज चितवन जिल्ला अदालतमा उपस्थित हुँदै
पत्रकार शालिकराम पुडासैनी निधन प्रकरणमा चितवन जिल्ला अदालतमा आइतबारदेखि साक्षी बकपत्र सुरु हुँदैछ । सञ्चारकर्मी रवि लामिछानेसहितका तीनजना उपस्थित भएपछि बकपत्र सुरु हुने अदालतका श्रेस्तेदार रुद्रमणि गिरीले जानकारी दिएका छन् । रविसहित युवराज कँडेल र अस्मिता कार्कीलाई आइतबार उपस्थित हुन अदालतले आदेश दिएको थियो ।
उनीहरुलाई आत्महत्यादुरुत्साहनको आरोप लागेको छ । दुरुत्साहन आरोपमा पक्राउ परेका रविलाई पाँच लाख, युवराजलाई तीन लाख रुपैयाँ र अस्मिता कार्कीलाई सादा तारेखमा गत भदौ ९ मा रिहा गरेको थियो । रविलगायतले जिल्ला अदालत चितवनको आदेश खारेज गरी पाउँ भन्दै उच्च अदालत पाटनको (हेटौंडा इजलास) मा निवेदन दिएका थिए । अहिले अदालतले सबै मुद्दालाई एकमुष्ठ सुनुवाइ गर्दैछ ।
