नेकपाका पूर्वसांसद हरि दाहालको निधन
नेपाल कम्युनिस्ट पार्टी नेता एवम् पूर्वसांसद हरि दाहाल ‘बैरागी’ निधन भएको छ । दाहालको शुक्रबार बिहान निधन भएको आफन्तले जनाएका छन् । ब्रेनह्यामरेजका कारण लामो समयदेखि उपचार गराउँदै आएका दाहालको पार्थीव शरीरलाई अन्तिम श्रद्धाञ्जलिका लागि पार्टी कार्यालय धुम्रबाराहीमा राखिनेछ ।
दाहाल ०५१ मा नेकपा (एमाले) को तर्फबाट संखुवासभाबाट निर्वाचित सांसदका रुपमा संसदमा प्रवेश गरेका थिए । जलविद्युत क्षेत्रका अभियन्ताका रुपमा उनलाई धेरैले चिन्ने गर्छन् ।
शुक्रबार बिहान दाहालको पार्थिव शरीरलाई पार्टी केन्द्रीय कार्यालय धुम्रबाराहीमा १० बजेदेखि ११ बजेसम्म राखिनेछ । उनको शुक्रबार नै अन्तिम दाहासंस्कार गरिनेछ ।
