संसदको अधिवेशन आजबाट अन्त्य हुदै, प्रधानमन्त्रीले सम्बोधन गर्ने
संघीय संसदको चालु अधिवशेन आज बाट सकिदैछ । गत वैशाखबाट शुरु भएको वर्षे अधिवेशन आज संसदमा प्रधानमन्त्री देखि प्रमुख राजनीतिक दलका नेताहरुले सम्बोधन गरेपछि सक्ने तयारी भएको छ ।
सभामुख कृष्ण वहादुर महरा शनिवारबाट एक साताका लागि काजकिस्तान भ्रमणमा जान लागेका कारण पनि अधिवेशन आजै अन्त्य गर्न लागिएको हो ।
प्रधानमन्त्री केपी ओलीले आजै दिउँसो साढे २ वजे संसदलाई सम्बोधन गर्ने कार्यतालिका रहेको छ । यो चालु अधिवेशनले सरकारको नीति तथा कार्यक्रम, आर्थिक वर्षको वजेट लगायत केही महत्वपूर्ण विधेयकयहरु पारित गरेको थियो ।
यद्यपी वहुचर्चित मानिएको नागरिकता विधेयक यो अधिवेशनमा पनि जस्ताको तस्तै समितिमै अलपत्र परेको छ ।
प्रमुख राजनीतिक दलहरुकै बीचमा विद्येयकका विषयमा सहमति बन्न नसकेपछि यो विद्ययेक चालु अधिवेशनमा टुंगिन नसकेको हो । यो विद्ययेक २२ साउन २०७५ मै संसदमा दर्ता भएको थियो । यो अहिले संसदको राज्य ब्यवस्था समितिमा छलफलकै क्रममा छ ।
प्रमुख प्रतिपक्षी कांग्रेस र सत्तारुढ दल नेकपाकै बीचमा विधेयकका कतिपय प्रावधानका विषयमा सहमति जुट्न सकेको छैन ।
