अछाममा नेपाली कांग्रेस नेताद्वारा केन्द्रीय प्रतिनिधिको धुलाई ।
काँग्रेसको गाउँ जागरण अभियानमा अछाम जिल्लाको क्षेत्र नं २ आएका केन्द्रीय प्रतिनिधि मदन गिरीको रामधुलाई भएको छ । नेपाली कांग्रेसले आयोजना गरेको दोस्रो चरणको जनजागरण अभियान अन्तर्गत हिजो रहफमा कार्यक्रम गरि फर्किने क्रममा दैलेखको टुनिबगरमा मदिरा सेबन गरि अछाम क्षेत्र नं २ प्रदेश ‘क’का कांग्रेस सभापति टंक धामीले मदिराको मातमा आफ्नै नेता मदन गिरीको तथा यज्ञ प्रसाद ढकालको रामधुलाई गरेका हुन । मनमौजी शैलीका धामी मदिरा सेवन गरेपछि कसैलाई पनि बाँकि नराख्ने अराजक मानिन्छन ।
सुरा र सुन्दरीका शौखिन धामीले आफूलाई कसैले छुन पनि नसक्ने भन्दै केन्द्रीय प्रतिनिधी गिरीलाई भकुरेका थिए । गिरीलाई बचाउँन जाँदा नेता धामीले काँग्रेस नेता यज्ञ ढकाललाई पर्यटकले धेरै बोल्ने भन्दै भकुर्न भ्याएका थिए । मदिरामा उन्मत्त भएका धामीले जस्लाई भेट्यो त्यसैलाई ठोक्न थालेपछि जागरण अभियानमा सहभागी नेता कार्यकर्ताको भागमभाग भएको थियो मदिराको मातमा आफ्नै नेताहरु कुट्ने धामी नेपाली कांग्रस अछाम क्षेत्र नं २ का सचिब समेत रहेका छन ।
