जिग्री र पाँडेले नयाँ हाँस्य कार्यक्रम ‘सक्किगो नि’ल्याउने
हाँस्य टेलिश्रृंखला ‘भद्रगोल’मा अभिनय गर्दै आएका पुराना कलाकारहरूको समूहले नयाँ नामको अर्को कार्यक्रम प्रसारणमा ल्याउने भएको छ । मिडियाहबसँग ‘भद्रगोल’ शीर्षकमा विवाद बढेपछि कार्यक्रम नै त्यागेको उक्त समूहले नयाँ कार्यक्रम ‘सक्किगो नि’ ल्याउन लागेको हो ।
हाँस्य कलाकारहरु कुमार कट्टेल (जिग्री), अर्जुन घिमिरे (पाँडे), हरि निरौला, कमलमणी नेपाल, दीपक आचार्यलगायतको टिमले नयाँ शीर्षकसहितको कार्यक्रम ल्याउन लागेको हो ।
मिडिया हबले सर्जकलाई छलेर पारिश्रमिक नदिएको, पुरानो ब्रान्डमाथि नयाँ कार्यक्रम बनाएर मनोमानी गरेको लगायत गुनासो गर्दै आएका कलाकारहरूले नयाँ कार्यक्रम लिएर आउने तयारी गरेको हो।
नयाँ कार्यक्रम आँउदो असोज २ गते बिहिबारबाट प्रसारणमा ल्याउने निर्माण समूहको तयारी छ।
