मोटा व्यक्ति र मधुमेह रोगीका लागि बरदान हो भन्टाः थाहा पाउनुहोस् कसले खाने, कसले नखाने



हाम्रो इकोनोमि

 

भन्टा धेरैलाई मन नपर्न सक्छ तर यसमा विभिन्न आयुर्वेदिक गुण पनि हुन्छ जुन खानुका विभिन्न फाइदा छन् । विशेषगरी जसले तौल कम गर्न चाहिरहेका छन् र जसलाई निद्रा सम्बन्धि समस्या छ, उनीहरुका लागि भन्टा कुनै बरदानभन्दा कम छैन ।

थाहा पाउँदा अचम्म लाग्ला तर यो सब्जीमा एन्टिअक्सिडेन्ट अत्यधिक हुन्छ र यसले तपाईंको रोग प्रतिरोधी क्षमतालाई पनि वृद्धि गर्छ । यसले शरीरमा विभिन्न कमीको पूर्तीसमेत गरिरहेको हुन्छ । भन्टा जुनसुकै रुपमा खाँदा पनि फाइदाजनक हुन्छ । यो सब्जीले स्वास्थ्यमा पुर्याउने फाइदाबारे जानकारी लिऔं ।

भन्टाका थुप्रै फाइदाः
– भोकलाई नियन्त्रण गर्छ किनभने यसमा फाइबर र बियाँ अत्यधिक हुन्छ जसले लामो समयसम्म पेट भरिएको महसुस हुन्छ ।

– भन्टामा निकै कम क्यालोरी हुन्छ । एक कप पाकेको भन्टामा ३५ क्यालोरी मात्र हुन्छ । यसमा पानीको मात्रा पनि अत्यधिक हुन्छ त्यसकारण यो स्वास्थ्यका लागि निकै राम्रो मानिन्छ ।

– धेरैजसो मध्य–पूर्वी र इटालियन व्यञ्जनमा भन्टा समावेश गरिएकै हुन्छ । यो एरोबिन (बोक्रासहित) भएकाले अत्यधिक स्वास्थ्यवर्धक मानिन्छ ।

– यसले आयुर्वेद औषधीको रुपमा पनि काम गर्छ । यसले अनिद्रा र निद्रासम्बन्धि समस्यालाई ठिक गर्छ ।

– अनुसन्धानबाट पत्ता लागेअनुसार भन्टाले खराब कोलेस्ट्रोललाई कम गर्छ ।

– भन्टाले मधुमेहलाई नियन्त्रित गर्न र रोक्न निकै सहयोगी भूमिका निर्वाह गर्छ । यसमा पाइने उच्च फाइबर र कार्बले विशेषगरी सहयोग गर्छ ।

– चुकन्दर, ब्लूबेरी, प्लम र भन्टालगायतमा एन्थोसायनिन (रंग प्रदान गर्ने विशेषता) हुन्छ । एन्टिअक्सिडेन्ट धेरैजसो प्याजी रंगयुक्त सब्जी र फलमा हुन्छ ।

– भन्टामा कोलेस्ट्रोलको मात्रा लगभग शून्य हुन्छ त्यसकारण यो तौल कम गर्ने कोसिस गर्नेहरुका लागि पनि निकै फाइदाजनक हुन्छ ।

– भन्टामा आइरन र क्याल्सियम पनि अत्यधिक हुन्छ । यो रक्तअल्पत्ता रोगीका लागि पनि निकै फाइदाजनक हुन्छ । साथै हड्डीको स्वास्थ्यका लागि पनि यसले सकारात्मक प्रभाव पारिरहेको हुन्छ ।

ग्यासको समस्या र बाथ रोगीहरुले खान नहुनेः

जसलाई ग्यासको समस्या छ, जो बाथका रोगी छन्, जसलाई पत्थरीको समस्या छ, उनीहरुले भन्टा खानुहुँदैन । तर जो स्वस्थ छन् उनीहरुले भने आफ्नो आहारमा यसलाई समावेश गर्नैपर्छ ।

डिस्क्लेमरः प्रस्तुत लेखमा सुझाइएका टिप्स र सल्लाह साधारण जानकारीका लागि मात्र हुन् यसलाई व्यावसायिक चिकित्सकको सल्लाहको रुपमा लिन सकिँदैन । अनिता श्रेष्ठ

२०७५ असार १० गते

प्रतिक्रिया दिनुहोस
सञ्चारकर्मीलाई आत्महत्यासम्बन्धी समाचारमा रिपोर्टिङ गर्न अभिमुखीकरण

  आत्महत्या रोकथाम र मानसिक स्वास्थ्यसम्बन्धी जनचेतना अभिवृद्धि गर्ने उद्देश्यले स्वास्थ्य तथा खाद्य...

वाणिज्य बैंकहरुले दुई महिनामा कमाए १७ अर्ब ८१ करोड

    वाणिज्य बैंकहरुले चालु आर्थिक वर्ष २०८२/८३ को दुई महिनामा १७ अर्ब...

चाडपर्ब लक्षित बजार अनुगमन थाल्यो सरकारले

  सरकारले दशैँ, तिहार र छठ जस्ता पर्वमा उपभोग्य वस्तुको कृत्रिम अभाव हुन...

जनस्वास्थ्य कार्यालयको मूल्यांकनमा किष्ट शिक्षण अस्पताल प्रथम

    जनस्वास्थ्य कार्यालय, ललितपुरले आयोजना गरेको वार्षिक स्वास्थ्य सेवा तथ्यांक प्रस्तुतीकरण तथा...