तलब नदिएपछि सुपरभाइजरको हत्या गरेको अभियोगमा मलेसियामा दुई नेपाली पक्राउ
मलेसियामा सुुपरभाइजरको हत्याको अभियोगमा दुई नेपाली प्रक्राउ परेका छन् । प्रक्राउ पर्ने दुवै जना सेक्युरिटी गार्डका रुपमा कार्यरत नेपाली रहेको मलेसियन प्रहरीले जनाएको छ ।
जलानमा रहेको एक अपार्टमेन्टमा सुपरभाइजर ५४ वर्षीय ली पोह मेङ को शव कर्मचारीको शौचालयभित्र थुनिएको अवस्थामा फेला पारेको थियो ।
दुई नेपाली भने घटना भएको अपार्टमेन्टबाटै पक्राउ परेका हुन । अर्का भारतीय नागरिकको भने खोजी भइरहेको छ । दुई नेपालीसहित ३ जना सेक्युरिटी गार्डले सुपरभाइजरलाई हेल्मेटले पटक पटक कुटेको सीसीटीभी फुटेजमा देखिएको थियो ।
‘तलब नदिएको भन्दै सुपरभाइजरको हत्या गरेको प्रारम्भिक अनुसन्धानले देखाएको छ,’ मलेसियन प्रहरीको भनाइलाई उद्धृत गर्दै ‘द स्टार’ले लेखेको छ ।
पक्राउ परेका नेपाली कामदारले आफ्नो नाम ‘डन’ बताए पनि वास्तविक नाम र नेपालको ठेगाना भने खुलाइएको छैन ।
