घाईते भेट्न रवि लामिछाने चितवनका अस्पतालमा, घाइतेसंग बसेर साटे सुख दुःख (हेर्नुहोस् भिडियो)
रवि लामिछाने प्रहरीको हिरासत मुक्त भएसँगै आफ्नो विचार राख्न थालेका छन् । सोमबार चितवन जिल्ला अदालतको आदेशमा धरौटीमा रिहा भएका उनले आफू हिरासतमा परेपछिको अवस्थाकाबारे आफ्नो धारणा राखेका छन् । टेलिभिजन प्रस्तोता रवि लामिछानेले आफु राजनीतिमा जान इच्छुक नरहेपनि आवश्यकता अनुसार जान सक्ने बताएका छन् । उनले राजनीतिमा आउने ढोकाको चुक्कुल मात्रै लागेको तर ताला भने नलागेको प्रतिक्रिया दिए ।
पत्रकार शालिकराम पुडासैनीको मृ त्यु प्रकरणमा दुरुत्साहन मुद्धामा धरौटीमा रिहा भएको भोलिपल्ट आज चितवनमा पत्रकार भेटघाटमा लामिछाने अहिले गरिरहेको सञ्चार पेशाबाट नै केही परिवर्तन ल्याउन सक्नेमा आफु विश्वस्त रहेको बताए । उनले आफुले पैसा कमाउन सञ्चार पेशामा नआएको भन्दै कहीं कतै पैसाको लेनदेन गरेको प्रमाण भेटिए आफु सञ्चार क्षेत्रबाट बिदा हुने र कानुन अनुसार कारबाही भोग्न तयार रहेको प्रष्ट पारे ।
अर्का सञ्चारकर्मी युवराज कँडेलले आवाज नसुनिएकाहरुको आवाज सुनाउने अभियानमा अझ खरो रुपमा प्रस्तुत हुने बताए । उनु भयो । उनले आफ्ना समर्थक र न्याय खोजेकाहरुलाई निराश नबनाउने र आगामी दिनमा अझ मेहनत गर्ने अठोट व्यक्त गरे ।
लामिछानेले आजै अस्पताल गएर प्रदर्शनका क्रममा भएका घाइतेहरुलाई समेत भेट गरेका थिए । घाइतेहरुलाई भेटेर सिघ्र स्वास्थ लाभको कामना पनि गरेका छन् । रविले मंगलबार दिउँसो २ बजे नारायणी नदी छेउमा समर्थकहरुलाई प्रत्यक्ष रुपमा धन्यवाद दिन कार्यक्रमको आयोजना गरिएको बताए ।
