म राजनीतिमा आउने ढोकामा चुकुलमात्र लागेको छ, ताल्चा लागेको छैन–रवि लामिछाने
अदालतको आदेशबाट ५ लाख धरौटीमा रिहा भएका टेलिभिजन कार्यक्रम प्रस्तोता रवि लामिछानेले आफ्नो पहिलो प्राथमिकता पत्रकारिता भएपनि राजनीतिमा आउने बिकल्प खुल्ला रहेको बताएका छन् । हिरासतबाट रिहा भएपछि मंगलबार चितवनमा पत्रकारहरुसँग कुरा गर्दै लामिछानेले राजनीतिमा आउने संकेत गरे ।
‘मेरो पहिलो प्राथमिकता पत्रकारिता नै हो, तर राजनीतिमा आउने विकल्प पनि खुल्ला छ’ रविले भने ‘म राजनीतिमा आउने सम्भावनाको ढोकामा चुकुलमात्र लागेको छ, ताल्चा लागेको छैन ।’ हिरासत जानुभन्दा अघि रवि राजनीतिमा आउने कुनै कल्पना गरेका थिएनन् । हिरासतमा पुगेपछि उनले देशभर आफ्ना निकै प्रसंसक भएको देखे । त्यसपछि उनको मन राजनीतितिर पनि केन्द्रीत हुन थालेको छ ।
१० दिनको हिरासत बासपछि रवि लामिछानेसहित तीन जना सोमबार साँझ मुक्त भएका थिए । पत्रकार शालिकराम पुडासैनीको आत्महत्या प्रकरणमा उनीहरुलाई पक्राउ गरी हिरासतमा राखिएको थियो । ‘मेरा लागि हिरासतको बसाई नयाँ अनुभव हो’ उनले भने ‘हिरासतमा बसेका अन्य कैदीहरु कसरी आफुलाई जष्टीफाइ गर्दछन् त्यो बुझन पाएँ ।
