प्रहरीद्वारा एक लाख ९० हजार नक्कली भारुसहित दुई जना पक्राउ
पर्सा हुँदै भारत छिर्न लागेका दुई व्यक्तिलाई एक लाख ९० हजार रुपैंया बराबरको नक्कली नोटसहित पर्सा प्रहरीले विहीबार साँझ पक्राउ गरेको छ ।
उनीहरूको साथबाट ९५ वटा २ हजार दरका नक्कली नोट फेला परेको हो ।
वीरगञ्ज महानगरपालिका–१० इदगाह चौकबाट पर्सा वैरियाका दिलिपकुमार साह र छप्कैयाका जमिल अख्तरलाई नियन्त्रणमा लिइएको हो । उनीहरूको साथबाट उक्त परिमाणमा नक्कली नोट फेला परेको पर्सा प्रहरी प्रमूख सोमेन्द्र सिंह राठौले जानकरी दिए ।
पक्राउ गरिएकाहरूमाथि कानुनी कारबाहीका लागि अनुसन्धान जारी राखिएको छ ।
