जीप दुर्घटना
अछामको बान्नीगढी जयगढ गाउँपालिकामा जिप दुर्घटना भएकाे छ । दुर्घटनामा परी ३ जनाकाे निधन भएकाे छ ।
रामारोशन गाउँपालिकाकाे मुजाबगरबाट जयगढतर्फ जाँदै गरेको से १ ज ९९५ नम्बरको जिप जयगढ माझेठाना सडक खण्डअन्तर्गत सुकिबाग डिल्ली बजार नजिक दुर्घटना भएकाे हाे । बुधबार साँझ जिप सडकबाट करिब ५ सय मिटर तल खसेकाे जनाइएकाे छ । दुर्घटनामा परी १ जनाकाे घटनास्थलमै मृत्यु भएकाे छ भने २ जनाको उपचारका क्रममा बयालपाटा अस्पतालमा मृत्यु भएको हो ।
मृत्यु हुनेमा बान्नीगढी जयगढ गाउँपालिका- ४ का अशोक परियार र कालु सिं आउजी तथा बैतडी घर भएका लालबहादुर बोहरा रहेकाे जिल्ला प्रहरी कार्यालय अछामले जनाएकाे छ ।
साे घटनामा परी घाइते हुनेमा बान्नीगढ जयगढ गाउँपालिका- ४ तिमिसेनका तर्कराज तिमिल्सेना, कैलालीका जन्जीर चौधरी र घनश्याम चौधरी रहेका छन् । उनीहरूको बयालपाटा अस्पतालमा उपचार भइरहेको प्रहरीले जनाएकाे छ ।
अल्टट्र खबरबाट साभार गरिएको
