भिजाएको मेथि सेवन गर्दा हुन्छन यस्ता अचुक फाइदै फाइदा
मेथी स्वादका लागि मात्र नभई स्वास्थका लागि पनि उतिकै फाइदा जनक छ । हामिले हाम्रो शरीर स्वस्थ रहन वा राख्न हरेक कुरामा ध्यान दिन एकदमै महत्वपूर्ण छ । सरसफाइ लगायत खानपानमा ध्यान दिएमा हामी स्वस्थ रहन सक्छौँ । यसका लागि स्वस्थ रहने खानेकुरा मध्य मेथीदाना पनि एक हो । मेथीको दानामा अत्यधिक पौष्टिक तत्त्व पाइन्छन् ।
यसैले हामि स्वस्थ रहन मेथीको दानालाई रात भरि भिजाएर बिहान उठदा साथ खाली पेटमा मज्जाले चपाएर खाँदा र यसको पानी पनि पिउँदा विभिन्न स्वास्थ्य समस्यालाई फाइदा पुर्याउने गर्दछ । मेथी दानाले भोक पनि मेटाउने गर्दछ । मेथीको दानामा आइरन, क्याल्सियम, म्याग्नेसियम, पोटासियम, सोडियम, जिंक, फस्फरोस, फोलिक एसिडजस्ता मिनरल्सका साथै भिटामिन ए, बी र सी पनि पाइन्छन् । सका साथै, यसमा भरपुर मात्रामा फाइबर्स, प्रोटिन, स्टार्च, सुगर, फस्फरोस एसिडजस्ता पौष्टिक तत्त्व पाइन्छ ।
एक गिलास पानीमा एक चम्चा मेथीदाना रातभर भिजाएर राख्नुहोस र विहान उठ्नासाथ खाली पेटमा पिउनुहोस । मेथी दानामा शरीरको टक्सिन बाहिर निकाल्ने क्षमता हुन्छ जसले मृगौलालाई स्वस्थ राख्न सहयोग पुर्याउँछ । मेथी दाना नियमित रूपमा खाँदा ग्याष्ट्रिकको समस्याबाट बच्न सकिन्छ । जलन र एसिडिटी पनि हुनबाट जोगाउँछ ।
मेथीदानामा पाइने सोलुबल फाइबर्स ब्लड सुगरलाई नियन्त्रणमा राखेर मधुमेहको खतरा घटाउने गर्दछ मेथी दानामा पाइने गेलाक्टोमेनन र पोटासियमले रक्तचापलाई नियन्त्रणमा राख्छ र हृदयघातबाट बचाउन सहयोग पुर्याउँछ । भिजाइएको मेथी दानाले पाचन क्रियालाई बलियो बनाउँछ । कब्जियतसहित पेटका विभिन्न समस्यालाई टाढै राख्छ ।
