दोलखाको जुँगुमा भीषण पहिरो, २ बेपत्ता
दोलखा गौरीशंकर गाउँपालिका–१ मा गएराती गएको पहिरोमा परी दुई जना बेपत्ता भएका छन् ।
जुँगुखोलामा फसेको वस र त्यसमा सवार करिव २० जना यात्रुहरुको भने सकुसल उद्धार गरिएको छ ।
वेपत्ता हुनेमा गौरीशंकर गाउँपालिका २ निवासि अन्दाजी १८ वर्षिय निशान खड्का र वडा नम्वर २ का करिव ५५ वर्षिय जित खत्री रहेका छन् ।
उनीहरुको खोजी कार्य भैरहेको दोलखा प्रहरीले जनाएको छ । जुँगुखोलामा फसेको बस र त्यसमा रहेका यात्रुहरुको उद्धारका लागि जाने क्रममा माथिबाट आएको पहिरोमा परी उनीहरु बेपत्ता भएको बताईएको छ । पहिरोमा परी अन्य केही सामान्य घाईते भएका छन् ।
घट्ना बारे विस्तृत विवरण आउन बाँकी छ । बस र अन्य यात्रुहरुको भने राती १ बजेको समयमा जेसिविको सहायतामा प्रहरी र स्थानीयको टोलीले उद्धार गरेको घट्नास्थलमा रहेका पत्रकार दिल बहादुर केसिले जानकारी दिए ।
गौरीशंकर गाउँपालिकाकै अफ्लेपु लगाएतका ठाउँमा पनि पहिरोले घरहरुमा क्षति पुर्याएको स्थानीयले जानकारी दिएका छन् ।
स्थानीयका अनुसार त्यहाँ आधा दर्जन घरमा पहिरोले क्षति पुर्याएको छ भने दुई दर्जन पहिरोको जोखिममा छन् ।
