थाहा पाउनुहोस् आजको मौसम, कहाँ कहाँ पर्दैछ पानी ?
आज देशका केही स्थानमा मेघ गर्जनसहित वर्षा हुने सम्भावना रहेको मौसमविद्ले बताएका छन् । मौसम पूर्वानुमान महाशाखाका अनुसार आज दिउँसो या अपराह्न देशका केही स्थानमा मेघ गर्जनसहित वर्षा हुने सम्भावना रहेको छ ।
राति भने पूर्व तथा मध्य क्षेत्रका एक/दुई स्थानमा भारी वर्षाको समेत सम्भावना छ। अहिले देका धेरैजसो ठाउँमा आंशिकदेखि सामान्यसम्म मौसम बदली भएको छ ।
काठमाडौं उपत्यकामा पनि अहिले आंशिक बदली रहेको मौसमविद् गंगा नगरकोटीले बताइन् । अपराह्नतिर यहाँ पनि मेघ गर्जनसहित पानी पर्ने सम्भावना रहेको उनले बताइन् ।
हाल मनसुनको न्यून चापीय रेखा नेपालभन्दा धेरै दक्षिण भारतमा रहेकाले नेपालमा मनसुनी गतिविधि कम सक्रिय भएको महाशाखाले जनाएको छ।
आगामी तीन दिनसम्म देशका केही स्थानमा मेघ गर्जनसहित तथा एक/दुई स्थानमा भारी वर्षाको सम्भावना रहेको महाशहाखाले आफ्नो बुलेटिनमा उल्लेख गरेको छ।
महाशाखाले बिहान जारी गरेकाे आगामी तीन दिनको मौसम पूर्वानुमान यस्तो छ :
साउन १५ गते बुधबार
दिउँसो: देशभर आंशिकदेखि सामान्य बदली रही देशका केही स्थानहरुमा मेगगर्जन सहित वर्षा हुने सम्भावना छ ।
राति: देशभर सामान्यदेखि पूर्ण बदली रही देशका केही स्थानहरुमा मेगगर्जन सहित वर्षा हुने सम्भावना छ। देशको एक/दुई स्थानमा भारी वर्षाको सम्भावना छ।
साउन १६ गते बिहीबार
दिउँसो: देशभर सामान्य बदली रही देशका केही स्थानहरुमा मेगगर्जनसहित वर्षा हुने सम्भावना छ ।
राति: देशभर सामान्य देखि पूर्ण बदली रही देशका केही स्थानहरुमा मेगगर्जन सहित वर्षा हुने सम्भावना छ।
साउन १७ गते शुक्रबार
दिउँसो: देशभर आंशिक देखि सामान्य बदली रही देशका केही स्थानहरुमा मेगगर्जनसहित वर्षा हुने सम्भावना छ ।
राति: देशभर आंशिक देखि सामान्य बदली रही देशका केही स्थानहरुमा मेगगर्जनसहित वर्षा हुने सम्भावनन छ । देशको पूर्वी भूभागका एक/दुई स्थानमा भारी वर्षाको सम्भावना छ।
