नेता भट्टराईलेले भने स्कुल विभाग घनश्याम भुसाललाई दिनुपर्छ

 

स्कुल विभागलाई लिएर नेकपाभित्र जुहारी चलिरहेका बेला स्थायी कमिटी सदस्य योगेश भट्टराईले पार्टीको पद कसैको स्थायी विर्ता नभएको कडा टिप्पनी गरेका छन् । कार्यबिभाजन र जिम्मेवारी बाँडफाँडमा नेता भट्टराईले दुई अध्यक्षलाई पाँच सुझाव पनि दिएका छन् ।

 

नेकपा संगठनात्मक एकताको अन्तिम चरणमा पुगेका बेला स्कुल विभाग पेचिलो बनेको छ । स्कुल विभागमा पूर्वएमाले र पुर्वमाओवादी दुवैले सशक्त दावी गरिरहेका छन् । पुर्वएमालेबाट सचिवालय सदस्य इश्वर पोखरेल र पुर्वमाओवादीबाट सचिवालय सदस्य नारायणकाजी श्रेष्ठले दावी गरेका छन् ।

 

दुवै दलले सशक्त दावी गरिरहेका बेला नेता भट्टराईले पार्टीलाई विर्ता नसम्झन चेतावनी दिँदै आलोपालोको आधारमा नेतृत्व गर्नुपर्ने तर्क अघि सारेका छन् । ‘ब्यक्तिलाई दिइएको पार्टीको जिम्मेवारी विर्ताकारुपमा दिइएको होइन’ नेता भट्टराईले भने ‘कुनैपनि ब्यक्तिलाई स्थायीरुपमा कुनै जिम्मेवारी दिनु हुँदैन । योग्यता र क्षमताका आधार हरेक बर्ष सवैको जिम्मेवारी हेरफेर गर्नु पर्दछ ।’

 

नेता भट्टराईले पार्टीभित्र मुल्यांकन र दण्डको ब्यवस्था हुनुपर्ने जिकिर गर्दै प्रत्येक पार्टी नेता र कार्यकर्ताले मुल्यांकन प्रतिवेदन सार्वजनिक गर्नूपर्ने बताए । ‘हरेक बर्ष ब्यक्तिको मुल्याङ्कन प्रतिबेदन सार्वजनिक गरौ । त्यसका आधारमा पुरस्कृत र दन्डित गर्ने पारीपाटी बसालौ’ नेता भट्टराइले भने ‘पार्टीमा भूगोल, बिभाग र फांट गरी तीन क्षेत्र छन । रोटेसनका आधारमा एउटा ब्यक्तिलाई तीन वटै क्षेत्रमा काम गर्ने अबसर दिनु पर्दछ ।’

 

पार्टी स्कुल विभागमा पोखरेल र श्रेष्ठबीच जुहारी चलिरहेका बेला नेकपाका बैचारिक नेता घनश्याम भूसालले पनि आफ्नो दावी पेश गरेका छन् । नेता भट्टराईले नाम नकिटेपनि भूसाललाई नै स्कुल विभागको जिम्मेवारी दिनुपर्ने कुटनीतिक तर्क अघि सारेका छन् ।