नेपाल भ्रमणमा आएका पाकिस्तानी पुर्व प्रधानमन्त्री पक्राउ ! लाग्यो यस्तो गम्भीर आरोप ?
इमरान खान सरकारमा आएपछि पाकिस्तान भ्रष्ट्राचार र आतंकवादविरुद्ध कडा रुपमा प्रस्तुत हुँदै आएको छ । अहिले पनि भ्रष्ट्राचार गरेको आरोपमा पूर्व प्रधानमन्त्री नवाज शरीफ जेलमा बन्द छन् । यस्तै अहिले अर्का पुर्व प्रधानमन्त्री शाहिद खकान अब्बासीलाई नेशनल एकाउन्टिबिलिटी ब्यूरो (एनएबी) द्धारा गिरफ्तार गरिएको छ । अब्बासीलाई लिक्विफाइड नेचुरल ग्यास (एलएनजी) आयातमा अनुबन्धन दिँदा अर्बौ रुपैयाँ हिनामिना गरेको आरोप लगाइएको छ ।
पाकिस्तानी सञ्चारमाध्यमहरुले दिएको जानकारी अनुसार उनलाई पत्रकार सम्मेलन गर्न गैरहेको अवस्थामा गिरफ्तार गरिएको हो । अब्बासीसँगै पाकिस्तान मुस्लिम लिग (पीएमएम–नवाज) का नेता अहसान इकबाल पनि थिए । सुरुमा अब्बासीले गिरफ्तारीको विरोध गरे पनि अन्ततः उनले एनएबीसमक्ष आत्मसमर्पण गरेका थिए । गिरफ्तारीमा परेका अब्बासीलाई शुक्रबार एकाउन्टिबिलिटी अदालतमा पेस गराइनेछ ।
एनएबीले एलएनजीको विषयमा उनलाई पत्राचार गरे पनि उनी हाजिर हुन इन्कार गर्न थालेपछि बाध्य भएर पक्राउ गरिएको हो । त्यस्तै पाकिस्तानी पूर्व राष्ट्रपति आसिफ अली जरदारी र पूर्व प्रधानमन्त्री नवाज शरीफ पनि भ्रष्टाचारको मुद्दामा जेलमा छन् । अब्बासी सन् २०१८ मार्च महिनामा दुई दिनको औपचारिक भ्रमणमा नेपाल आएका थिए ।
