अर्घाखाँचीमा जीप सडकबाट ३ सय मिटर तल खस्यो, ठुलो जनधनको क्षति
यात्रुले खचाखच भरिएको जीप दुर्घटना हुँदा ३ जनाको ज्यान गएको छ । अर्घाखाँची जिल्लाको सितंगगा नगरपालिका वडा नं. २ सन्धिखर्क नगरपालिका वडा नं. ७ सुपादेउरालीमा यात्रुबाहक जिप खस्दा ३ जनाको घटनास्थलमै ज्यान गएको छ । कपिलबस्तुको कृष्ण नगरबाट सन्धिखर्क आउँदै गरेको लु १ ज १३२९ नम्बरको जिप सडकबाट ३०० मिटर तल खसेको बताइएको छ ।
जीप खस्दा ६ जना घाईते भएको जिल्ला प्रहरी कार्यालय अर्घाखाँचीले जानकारी दिएको छ । घटनास्थलमा स्थानीयबासी, नेपाल प्रहरी ,नेपाली सेनाले उद्धारको कार्य जारी राखेका छन् । जिप पछाडि व्याक भएर सड्कबाट तल खसेको प्रत्यक्षदर्शी माधब घिमिरेले बताएका छन् । घाइतेहरुको अवस्था गम्भीर भएको प्रहरीले जानकारी दिएको छ ।
