फेसबुकबाट चिनजान भएकि प्रेमिकासँग रात बिताएका प्रेमी गुरुङ गोगंबुको गेष्ट हाउसमा मृत भेटिए
काठमाडाैंकाे गोगंबुस्थित शुभकलश गेष्ट हाउसमा आफ्नी प्रेमिकासँग बस्न पुगेका एक युवक मृत अवस्थामा भेटिएका छन् । मृत भेटिनेमा काभ्रे घर भएका २५ वर्षीय प्रमोद गुरुङ रहेका छन् ।
फेसबुकमार्फत चिनजान भएकी प्रेमिकासँग शुभकलश गेष्ट हाउसको कोठा नम्बर १०४ बस्न पुगेका गुरुङ मंगलबार साँझ मृत अवस्थामा भेटिएको महानगरीय प्रहरी वृत्त महाराजगञ्जका प्रमुख डीएसपी फणिन्द्र प्रसाईंले जानकारी दिएका हुन् ।
उनीहरु बसेको कोठा भियग्राहरु र गाँजा खाएर फालिएको चुरोटका ठुटाहरु भेटिएको छ । मृत्युको कारण खुल्न सकेकाे छैन ।
प्रहरीले गेष्ट हाउस सञ्चालक र प्रेमिकालाई नियन्त्रणमा लिई अनुसन्धान गरिरहेको छ ।
