बलिउड चर्चीत नायिका माही गिल जसले सलमान खानसँग दबंग लगाएलका फिल्ममा काम गरेकी छिन् । उनी विवाह विनानै अामा बनेकी छिन् ।

छोरी तीन वर्ष पूरा हुनैलाग्दा माहीले अाफ्नाे सत्यता मिडियामा खुलासा गरेकी छिन् । नायिका माहीले विवाहकाे चाहाना समेत व्यक्त गरेकी छिन् ।

भारतीय मिडिया नवभारत टाइम्सकाे अनुसार उनले आफू सिंगल नभएको बताएकी छिन् । प्रेमीबारे जानकारी दिँदै उनले भनिन्, ‘उनी गोवामा व्यापार गर्छन् ।

त्यसकारण म धेरैजसो गोवा आवतजावत गरिरहन्छु । उनकी छोरी मुम्बईमा उनीसँगै बस्ने र छोरीको हेरविचार उनकी काकीले गर्ने गरेको बताइन् ।

माही भन्छिन् ‘परिवार र बच्चा विवाह नगरीकनै बन्न सक्छन् । मलाई लाग्दैन कि यसमा कुनै समस्या छ ।

विवाह नगरी बच्चा जन्माउनुलाई साधारण रुपमा लिनुपर्छ,’ उनी भन्छिन्, ‘मलाई लाग्छ कि सबैको आ–आफ्नै जीवन हुन्छ र हरेकको आफ्नै सिद्धान्त पनि छ ।

विवाह निकै सुन्दर छ तर विवाह गर्नु तपाईंको नीजि रोजाई हुनुपर्छ । कामको कुरा गर्ने हो भने उनको फिल्म फ्यामिली अफ ठाकुरगञ्ज चाँडै नै रिलिज हुने तयारीमा छ । नायिका आजकाल यो फिल्मको प्रोमोशनमा निकै व्यस्त छिन् ।

यसबाहेक माही दबंग थ्रीमा पनि देखिनेछिन् । यो फिल्ममा उनीसँग अरबाज खान, सलमान खान र सोनाक्षी सिन्हाको मुख्य भूमिका हुनेछ ।

शिक्षक बन्न चाहनेहरुका लागि खुःशीको खबर :

परीक्षा नियमावली संशोधनको तयारी

 

शिक्षक बन्न चाहनेहरुका लागि विशेष सुविधा आएको छ । शिक्षक हुनु अघि दुई थरी परीक्षा पास गर्नु पर्ने व्यवस्था सहित शिक्षक सेवा आयोगको नियमावली संशोधनको तयारी गरिएको छ ।

स्विकृतीका लागि मन्त्रीपरिषद्मा पुगेको नियमावलीमा शिक्षक हुन चाहनेले दिनु पर्ने लिखित परीक्षा अन्र्तगत दुई थरी परीक्षाको व्यवस्था गरिएको छ ।

देशको संरचना र व्यवस्था परवर्तन भएसँगै नयाँ संविधान अनुकुल नियमावली आवश्यक परेकोले संशोधन गर्न लागिएको हो । लिखितको सय पूर्णाङ्कको विषयगत परीक्षा अघि सय पूर्णाङ्ककै प्रारम्भिक सामान्य परीक्षा पास गर्नै पर्ने व्यवस्था गरिएको मन्त्रीपरिषद् श्रोतले जानकारी दिएको छ ।

उक्त व्यवस्था लागू भएपछि शिक्षक हुन चाहनेले प्रारम्भिक परीक्षा पास गरेपछि मात्रै विषयगत परीक्षामा सहभागी हुन पाउने भएका छन् । शिक्षण पेशाको गुणस्तर बढाउन र प्रतिस्पर्धि बनाउन भन्दै उक्त प्रस्ताव गरिएको बताइएको छ ।

यस्तो व्यवस्थाले गर्दा योग्य शिक्षक छनौटको आधार निर्माण हुने शिक्षा मन्त्रालयको तर्क रहेको छ । आयोगको नियमावलीको नवौं संशोधनमा रहेको लिखितको सय, प्रयोगात्मकको २५, अन्तरवार्ताको २५ अँक हुने व्यवस्था थियो ।

लिखितको उत्तीर्णाङ्क ३५ र प्रयोगात्मकको १० हुने व्यवस्थामा परिवर्तन गर्न लागिएको हो । अब, लिखित अन्र्तगत हुने प्रारम्भिक र विषयगत परीक्षाको पूर्णाङ्क सय–सय अंकको हुनेछ । प्रयोगात्मक र अन्तरवार्ताको अंकमा भने विद्यमान व्यवस्थाकै जस्तो २५–२५ अंक राखिएको छ ।

प्रारम्भिक परीक्षाको उत्तीर्णाङ्क भने ५० र विषयगतको उत्तीर्णाङ्क ४० प्रतिशत रहने बताइएको छ । नयाँ प्रस्ताव गर्न लागिएको प्रारम्भिक परीक्षामा भने बस्तुगत प्रश्न सोधिने भएको छ । शिक्षकको अन्तिम नतिजामा भने प्रारम्भिक परीक्षामा प्राप्त गरेको अंक समेत जोडि योग्यताक्रमका आधारमा अन्तिम नतिजा प्रकाशन हुने भनाई छ ।

अन्तवार्ताको लागि छुट्याइएको पच्चीस अङ्कमा पनि परिवर्तन गरिने भएको छ । यस अघि अनुभव वापत सोही श्रेणीको पदमा अस्थायी काम गरे वापत प्रत्येक वर्षको एक नम्बरको दरले बढीमा बाह्र अङ्क हुने व्यवस्थामा परिवर्तन गरी प्रत्येक वर्षको शुन्य दशमलब ५ अँकको दरले बढिमा ५ अँक हुने व्यवस्था गरिदैं छ ।

शैक्षिक योग्यताको नम्बरमा प्रथम श्रेणी भए ३, दोश्रो भए २ र तेश्रो भए १ अँक हुने साविककै व्यवस्था यथावत राखिए पनि सेवा प्रवेशको लागि तोकिएको भन्दा एक तह माथिको शैक्षिक योग्यताको प्रथम श्रेणी भए २, दोश्रोका लागि डेढ र तेश्रोका लागि १ अँक हुने व्यवस्था गरिदैं छ ।

परीक्षामा स्थायी नियुक्तिका लागि सिफारिस नभएका उम्मेद्वारहरु मध्येबाट करारमा शिक्षक नियुक्ति गर्दा योग्य र सक्षम नियुक्ति गर्न भन्दै नियमावलीमा परिवर्तनको प्रस्ताव गरिएको छ ।

सिफारिस गरिएको पद संख्याको आधारमा प्राविमा ५० र निम्न माविमा शत प्रतिशत हुने संख्यामा छुट्टै योग्यताक्रम अनुसारको सूची प्रकाशन गर्ने साविकको नियममा परिवर्तन गरी प्राविमा सतप्रतिशत र निमावी तथा माविमा विज्ञापन भएको पदको दोब्बर संख्यामा सिफारिस गरिने छ ।

माथि उल्लेखित सहित विभिन्न विषयमा नियमावलीमा संशोधन गरीएको श्रोतले जनाएको छ ।