पेट्रोल छर्केर उपमेयरको गाडीमा आगजनी
नवलपुरको कावासोती नगरपालिकाका उपमेयर प्रेम शंकर मर्दनियाले प्रयोग गर्दै आएको गाडीमा आगजनी भएको छ । मोटरसाइकलमा आएका दुईजनाले उपमेयर चढ्ने लु १ झ ३२१ नम्बरको गाडीमा पेट्रोल छर्केर आगो लगाएर भागेका थिए ।
उपमेयर मर्दनियाको निजी निवासमा पार्किङ गरेर राखेको गाडीमा आगलागी भएको हो । आगजनीबाट गाडीको पछाडिको भागमा सामान्य क्षति पुगेको जिल्ला प्रहरी कार्यालय नवलपुरले जानकारी दिएको छ ।
गाडीमा पेट्रोल छर्केर आगजनी भएको केही समयमा नै आगो नियन्त्रणमा लिन सकिएकाले ठूलो क्षति हुनबाट जोगिएको प्रहरीले जनाएको छ ।
