घट्यो पेट्रोल, डिजेल र मटितेलको मूल्य
आर्थिक बर्ष २०७६ / ०७७ को बजेटबाट सरकारले सडक सुधार कर भन्दै पेट्रोलियम पदार्थम १ रुपैयाँ कर लगाउने निर्णय गरेको थियो ।
योसँगै अब आर्थिक बर्षको सुरुदेखि नै पेट्रोलियम पदार्थको मुल्य बढ्ने भनिएको थियो ।
तर मुल्यलाई समायोजन गर्न सकिनेगरी आजैदेखि नेपाल आयल निगमले पेट्रोल, डिजेल र मटितेलको मूल्य घटाएको छ ।
सबै पेट्रोलियम पदार्थमा प्रतिलिटर २ रुपैयाँ मूल्य घटाइएको निगमका प्रवक्ता वीरेन्द्र गोइतले जानकारी दिनुभयो ।
यसले गर्दा अब आर्थिक बर्षको सुरुदेखि बढेपनि अहिलेभन्दा कम मुल्यमा नै पाईनेछ ।
जसअनुसार काठमाडौंको नयाँ खुद्रा विक्री मूल्य पेट्रोलको १ सय ८ रुपैयाँ कायम भएको छ ।
डिजेल र मटितेल ९६.५० रुपैयाँ प्रतिलिटरमा झरेको छ । हवाई ईन्धन र एलपी ग्याँसको हकमा खुद्रा विक्री मूल्य यथावत राखिएको गोइतले बताए ।
