एकाएक यसकारण रणभुमि बन्यो माइतीघर ! [५ तस्वीर हेर्नुहोस्]
आज अचानक माइतीघर मण्डला अचानक रणभुमिका परिणत भएको छ ।
जेठ २६ सरकारले संसदमा प्रस्ताव गरेको गुठी विधेयकको विरोध गर्दै प्रदर्शन भएको हो ।
आज माइतीघरमा भएको बिरोध प्रर्दशनमा प्रहरीले हस्तक्षेप गर्न खोजेपछि तनाब सुरु भएको हो ।
प्रहरीले हस्तक्षेप गरेपछि भएको झडपमा परी केही घाईते भएका छन् ।
प्रदर्शनकारीले गुठी विधेयकका कारण धर्मसंस्कृतिमाथि अत्याचार भएको आरोप लगाउँदै विधयेक खारेजको माग गर्दै आएका छन् ।
देशभर रहेका गुठीका जग्गाहरु अतिक्रमण हुँदा समेत सरकारले वास्ता नगरेको , भूमाफियालाई संरक्षण गर्न गुठी ऐन ल्याउन खोजेको आरोप लगाउदै प्रर्दशन गरिएको हो ।
बिरोध प्रर्दशनको क्रममा सम्पदा बचाउ अभियन्ता गणपतिलाल श्रेष्ठले भने ‘यो विधेयक पारित भए काठमाडौंमा रगतको खोलो बग्छ ।
भूमाफियालाई पोस्न ल्याइएको विधयेक कदापि पारित गर्न दिन्नौँ ।’ विधेयक हचुवाको भरमा ल्याईएको उनीहरुको आरोप छ ।
मुलुकमा देवीदेवताका नाममा ७ लाख ५६ हजार बिघा जमिन र २ हजार ६ सय गुठी छन् ।
परापूर्वदेखि चलिआएका ती गुठीका जग्गा हडप्ने र आफ्ना मान्छे भर्ती गर्ने नियतले सरकारले गुठीसम्बन्धी विधेयक संशोधन गर्न लागेको भन्दै सरोकारवालाले आपत्ति जनाएका हुन् ।
प्रर्दशनकै क्रममा प्रहरीले प्रर्दशनकारीहरुलाई तितरवितर पार्न पानीको फोहोरा चलाएको थियो भने केही प्रक्राउ पनि परेका छन् साथै प्रर्दशनकारी घाईते पनि भएका छन् ।
