अर्को अप्रिय घटना : एयर इन्डियाको ठूलो जहाज त्रिभुवन अन्तर्राष्ट्रिय विमानस्थलमा ओभरसुट
एक भारतीय विमान ठुलो दुर्घटनाबाट जोगिएको छ । एयर इन्डियाको जहाजले आइतबार बिहान त्रिभुवन अन्तर्राष्ट्रिय विमानस्थलमा ओभरसुट गरेको छ । विमान धावनमार्गमा आइपुग्न लाग्दा ल्याण्ड गर्न नसकेर फेरि उडान गर्ने प्रक्रियालाई ओभरसुट गरेको भनिन्छ ।
भारतको नयाँ दिल्लीबाट काठमाडौं आएको एआई २१३ कलसाइनको एअरबस ३२०–२१४ सिरिजको जहाज अवतरण हुन नसकेको विमानस्थल कार्यालयले जनाएको छ ।
‘पाइलटले अवतरण गर्नै लाग्दा ‘मिस अप्रोच’ (सही बाटो पहिल्याउन नसक्नु) भएको थाहा पाए, आजको ओभरसुट निकै खतरा थियो, दुर्घटना टरेको छ ।’ विमानस्थलका एक अधिकारीले जानकारी दिए ।
मिस एप्रोच भएर कहिलेकाहीँ अवतरण हुनै लाग्दा जहाज फेरि आकासिनु सामान्य भए पनि कहिलेकाहीँ यो जोखिमपूर्ण हुने विमानस्थल कार्यालयले जनाएको छ । ओभरसुट भएको जहाज फेरि अवतरण हुनेछ । यसअघि गएको चैत ६ गते पनि एआई २१३ कलसाइनको यही जहाज मिस अप्रोच हुँदा ओभरसुट भएको थियो ।
पब्जीको बारेमा धेरै समाचार सार्वजनिक भए । कतिपय देशमा त यो गेम प्रतिबन्ध नै लगाइएका समाचार पनि आए ।
युवाहरु कतिसम्म ‘क्रेजी’ हुन्छन् भन्ने कुरा एउटा नयाँ भिडियो हेरियो भने थाहा पाइन्छ । जुन भिडियो अहिले टीकटकमा भाइरल नै बनाइएको छ ।
बेहुलीको साथमा जग्गेमा बसिरहेको एक युवकले आफ्नो मोबाइल फोनमा पब्जी खेलिरहेको छ । फूलमाला र नयाँ कपडामा बेहुलीको साथमा जग्गेमा बसिरहेको युवक पब्जी खेलिरहँदा बेहुली भने उसैतर्फ हेरेर मौन छन् ।
उक्त भिडियो झण्डै ५ लाख दर्शकले हेरिसकेको देखिन्छ । सामाजिक संजालमा भाइरल बनेको उक्त भिडियो खासगरी टीकटकमा चर्चित छ । फेसबुक र ट्वीटरमा पनि उक्त भिडियोलाई लिएर व्यंग्य गरिएको छ ।
त्यसो त, यही वर्ष दुबईमा एक महिलाले पब्जीमा ब्यस्त आफ्ना श्रीमानलाई गेम खेल्न रोक्न खोज्दा डिभोर्स नै पाएकी थिइन् । भारतमा भने गत महिना मात्रै १६ वर्षे किशोरले पब्जी खोल्न आमाले रोकेपछि आत्महत्या नै गरेको समाचार सार्वजनिक भएको थियो । यस्तैमा पछिल्लो केही दिनयता विवाह मण्डपमै पब्जी खेलिरहेको भिडियोले चर्चा पाएको हो ।
