सन्नी लियोनी नाचेको ‘पासवर्ड’को प्रदर्शन मिति पक्का
फिल्म ‘पासवर्ड’को प्रदर्शन मिति तय गरिएको छ ।
बलिउडकी आइटम गर्ल सन्नी लियोनीको आइटम रहेको यो फिल्म आगामी भाद्र २७ गतेबाट प्रदर्शन हुँदैछ ।
सन्नी लियोनीले अभिनय गरेको गीतको भिडियोलाई बलिउडका चर्चित कोरियोग्राफर विष्णु देभाले निर्देशन गरेका छन् भने गीतको संगीत अर्जुन पोखरेलको छ ।
फिल्मको बजेट उच्च भएका कारण पनि राम्रो डेट हेरेर फिल्मको प्रदर्शन मिति पक्का गरिएको निर्माण टिमको भनाई छ ।
तर भदौ २७ गते दुई फिल्म ‘हृदय भरी’ र ‘निरफुल’ ले आफ्नो प्रदर्शन मिति तय गरिसकेका छन् ।
पासवर्ड लाई सम्राट बस्नेतले निर्देशक गरेका हुन् । उनको यो डेव्यु निर्देशकिय फिल्म हो ।
फिल्मको कथा, पटकथा तथा संवाद स्वयंम निर्देशक बस्नेतले तयार पारेका हुन् ।
फिल्म पासवर्ड मा बिक्रम जोशी (विक्की), सन्नी लियोनी, अनुपबिक्रम शाहि, बुद्धि तामाङ, छुल्ठिम गुरुङ, बिक्रान्त बस्नेत, रविन्द्र झा, धिरेन शाक्य, विक्रान्त बस्नेत, प्रविण खतिवडा, लिशा सुनार, परी राना लगायतका कलाकारहरुको मुख्य भुमिका रहेको छ ।
