मंसिरका लागि वाणिज्य बैंकहरुको नयाँ ब्याजदर सार्वजनिक
मंसिर महिनाका लागि वाणिज्य बैंकहरुले नयाँ ब्याजदर सार्वजनिक गरेका छन् । कात्तिकको तुलनामा वाणिज्य बैंकहरुको औषत ब्याजदर घटेको छ । बैंकहरुले सार्वजनिक गरेको नयाँ ब्याजदर अनुसार व्यक्तिगत मुद्दती निक्षेपको अधिकतम ब्याजदर औषतमा ३.९० प्रतिशत विन्दुमा झरेको छ । जबकी यस्तो ब्याजदर कात्तिक महिनामा ४.०१ प्रतिशत विन्दुमा थियो ।
त्यस्तै, संस्थागत मुद्दती निक्षेपको ब्याजदर पनि घटेको छ । कात्तिकमा ३.०३ प्रतिशत रहेको यस्तो ब्याजदर मंसिरमा २.९९ विन्दुमा कायम भएको हो । सञ्चालनमा रहेका २० वाणिज्य बैंकमध्ये ६ बैंकले ब्याजदर घटाएका छन् भने बाँकी १४ बैंकहरुले कात्तिककै ब्याजदरलाई निरन्तरता दिएका छन् ।


