१७० जना यात्रु लिएर सिंगापुर उडेको विमान दुर्घटनाग्रस्त
१७० जना यात्रु लिएर उडेको विमान दुर्घटनामा परेको छ । भारत चेन्नईको तिरुचिरापल्ली देखि सिंगापुर गइरहेको विमान आकस्मिक अवतरण गरिएको छ ।
आज चेन्नई विमानस्थलमा आकस्मिक अवतरण गरिएको र यात्रुहरु सुरक्षित भएको जनाइएको छ । तिरुचिरापल्लीबाट आज बिहानै विमानले उडान भरेको थियो ।
उडेको केही समयपछि विमानको इन्जिनबाट धुँवा निस्केपछि अचानक अवतरण गरिएको हो । विमानमा धुँवा निस्केको कुरा पाइलटलाई जानकारी भएपछि उनले चेन्नई विमानस्थलका अधिकारीहरुसँग कुरा गरेर अवतरण गराएर सबैको ज्यान बचाएका हुन् ।
अधिकारीहरुका अनुसार विमान सुरक्षित रुपमा अवतरण गरिएको छ । विमान रोकिएपछि सबैलाई बाहिर निकालिएको जनाइएको छ । यस दुर्घटनामा कसैलाई पनि केही नभएको बताइएको छ ।
विमानमा के कारणले गर्दा धुँवा निस्केको भन्ने कुरा अहिले अनुसन्धान भइरहेको छ । विमानमा धुँवा देखिएपछि विमानस्थलमा दमकल पनि तयारी अवस्थामा राखिएको भारतीय सञ्चारमाध्यमहरुले जनाएका छन् ।
