आज बिहानै प्रहरी इन्काउन्टर : लामो समयदेखि आतंक मच्चाउदै आएका २ जना मारिए
आज बिहानै भएको प्रहरी इन्काउन्टरमा २ जना मारिएका छन् । भारतको जम्मू–कश्मीर राज्यको शोपिया जिल्लामा आज बिहानै भएको दोहोरो भिडन्तमा २ जना मारिएका हुन् ।
रुीनगर प्रहरीका अनुसार उनीहरुको साथबाट केही हात हतियार र गोला–बारूद पनि बरामद गरिएको छ ।
प्रहरीलाई शोपिया जिल्लाको हिन्दसीतापुरमा आक्रमणकारी लुकेर बसेको विशेष जानकारी मिलेको थियो । उक्त क्षेत्रमा आतंकवादी भएको सुचना पछि प्रहरीले खोजिकार्य तिव्र बनाएको थियो ।
यो बिचमा आतंकवादीहरुले पहिले गोली चलाए अनी जवाफमा प्रहरीले पनि गोली चलायो जसमा २ जनाको ज्यान गयो ।
गएको ३ मे मा प्रहरीले ३ जना आक्रमणकारी मारेको थियो । हिजबुल मुजाहिदीन का कमान्डर लतीफ टाइगरसहित ३ जना मारिएका थिए ।
टाइगर बुरहान वानीसँग जोडिएका १० आतंकवादी मध्यका अन्तिम थिए । सन २०१५ हिजबुल कमान्डर भएका बुरहान वानीसँगै अन्य आक्रमणकारीको एक तस्वीर साझा भएको थियो ।
प्रहरीले ८ जुलाई २०१६ मा बुरहान वानीलाई मारेको थियो ।
उनको मृत्यु पछि उनको समुहमा भएका सबैलाई प्रहरीले समयसमयमा गरेको आक्रमणमा खत्तम गरेको जनाएको छ ।
