नवलपरासीमा अनौठो : ६१ बर्षीयले गरे १६ बर्ष कान्छिसँग धुमधाम बिवाह, नातिनातिना भए जन्ती
भनिन्छ नी भाग्यले दिएपछि र मन मिलेपछि कसैको केही लाग्दैन । जब मन मिल्छ तब त्यो सम्बन्धमा धन , रुप र उमेर केहीले छेक्दैन । यस्तै उदाहरण देखिएको छ नवलपरासीमा सम्पन्न भएको एक बिवाहमा ।
पश्चिम नवलपरासीको गैँडाकोट नगरपालिका–४ झपर्दीमा बस्दै आएका ६१ वर्षीय नारायणप्रसाद सापकोटाले धुमधामसंग बिवाह गरेका छन् त्यो पनि आफुभन्दा १६ बर्ष कान्छी उमेरकी महिलासंग । उनले तनहुँको देवदहमा बस्दै आएकी ४५ वर्षीया लक्ष्मी अर्यालसँग धार्मिक रीति अनुसार बिवाह गरेका हुन् ।
उनको बिवाह निकै धुमधामसंग भएको थियो त्यो पनि जन्तीसहित । एक छोरी दुई छोरा र नातिनातिनाका धनीसमेत रहेका सापकोटाको बिवाहमा आफन्तदेखि नातिनातिना समेत सरिक भए । एक बर्ष अघि जेठी श्रीमतीको मृत्यु भएपछि सापकोटाले बुढेसकालमा सहाराका लागि जीवनसाथी चुनेका हुन् ।
