१३ जना यात्रु लिएर उडेको विमान दुर्घटनाग्रस्त, सबैको ज्यान गएको आशंका
एक निजी विमान दुर्घटनामा परेको छ । अमेरिकाको लसभेगसबाट आइरहेको विमान मेक्सिको नजिकै दुर्घटनाग्रस्त भएको अधिकारीहरुले बताएका छन् ।
उद्धार टोली त्यसतर्फ गइसकेको जनाइएको छ । दुर्घटनामा कम्तीमा पनि १३ जना मारिएको आशंका गरिएको छ । एक अधिकारीका अनुसार बम्बार्डियर चैलेञ्जर ६०१ शनिबार राति लस भेगसबाट मन्टेरीको लागि उडेको थियो ।
आइतबार उत्तरी मेक्सिकोको कोएहिला राज्य नजिकै एयर ट्राफिक कन्ट्रोलसँग सम्पर्क टुटेको थियो । विमान त्यहीबेलामा दुर्घटनाग्रस्त भएको आशंकामा खोजि कार्य तिव्र बनाइएको थियो ।
यो भन्दा पहिले मेक्सिकोका एक मन्त्रीले दुर्घटनामा सबैको मृत्यु भयो वा कोही बाँचे जानकारी नआएको जनाउनु भएको थियो । उक्त विमानमा ११ जना यात्रु र २ जना चालक दलका सदस्य रहेका थिए ।
