यी युवत्ती जसले आफ्नै प्रेमीको छुरा प्रहार गरेर हत्या गरिन्
लामो समय देखि सम्बन्धमा रहँदै आएका जोडीबिच भएको झगडाले ठुलो स्वरुप लिएको छ । कुवेतमा चार वर्षदेखि अवैध रुपमा सँगै बस्दै आएको एक नेपाली जोडीबिच लडाई भएको हो ।
यहाँ एक युवतीले युवकको हत्या गरेकी छिन् । माया गुरुङले एउटै कोठामा ‘लिभिङ टुगेदार’को रुपमा वस्दै आएका तनहुँका खेम विकलाई छुरी प्रहार गरी बुधबार हत्या गरेकी हुन् ।
कुवेतस्थित नेपाली दूतावासका अनुसार प्रहरीले अनुसन्धानका लागि माया गुरुङलाई पक्राउ गरेको छ । विकको शवलाई पोस्टमार्टमका लागि फरेन्सिक विभागमा लगिएको छ ।
दुतावासका एक कर्मचारीले भने, ‘घटनाको विस्तत विवरण आइसकेको छैन। प्रहरीसँग थप विवरण लिने काम भइरहेको छ ।’ उनीहरु कुवेतको मंगाफस्थित ब्लक–४ मा सँगै बस्दै आएका थिए ।
माया घरेलु कामदारको रुपमा कुवेतमा काम गर्दै आएकी थिईन् । उनी आफ्नो मालिक छोडेर पछिल्लो समय खेमसँग वस्दै आएको बताइएको छ ।
उनीहरुबीच लामो समयदेखि आपसी विवाद भइरहेको उनी निकट साथिहरुले बताएका छन् । विकलाई छाती र पछाडि छुरा प्रहार गरेर सेतो कपडामा बेरेर राखिएको अवस्थामा फेला पारिएको थियो ।
