आगलागी हुँदा ४३ लाख ३९ हजार रुपैयाँ बराबरको धनमाल जलेर नष्ट
ललितपुर, सुर्खेत, पाँचथर, दाङ र बाँकेमा भएका छुट्टाछुट्टै आगलागीबाट करिब ४३ लाख ३९ हजार रुपैयाँ बराबरको धनमाल जलेर नष्ट भएको छ ।
ललितपुर, महालक्ष्मी नगरपालिका १० कोदेडाँडा बस्ने चिनीमायाँ तामाङको कच्ची गोठमा शनिबार राति आगलागी हुँदा करिब १ लाख रुपैयाँ बराबरको धनमाल जलेर नष्ट भएको छ ।
सुर्खेत, पंचपुरी नगरपालिका ८ दुलाल थाई बस्ने कृष्ण बिकको घरमा शनिबार दिउसो आगलागी हुँदा करिब १ लाख ८० हजार रुपैयाँ बराबरको धनमाल जलेर नष्ट भएको छ ।
पाँचथर, तुम्वेवा गाउँपालिका १ ढुकुरे बस्ने दलबहादुर तामाङको घरमा शनिबार दिउसो आगलागी भई उक्त आगो बस्तीमा समेत फैलिएर ३ वटा घर र ३ वटा गोठ जलेर करिब २१ लाख ९ हजार रुपैयाँ बराबरको धनमाल नष्ट भएको छ ।
दाङ, गढवा गाउँपालिका ५ खजरौता बस्ने भगवान दास यादवको घर र गोठमा शनिबार दिउसो आगलागी हुँदा घर, गोठ र नगद ५ लाख रुपैयाँ समेत जलेर करिब १४ लाख रुपैयाँ बराबरको धनमाल नष्ट भएको छ ।
बाँके, डुडुवा गाउँपालिका २ नयाँबस्ती बस्ने शोभाराम बर्माको घरको भान्साकोठामा शनिबार राति आगलागी भई उक्त आगो फैलिएर बर्माको समेत ५ जनाको कच्चरी घर जलेर करिब ५ लाख ५० हजार रुपैयाँ बराबरको धनमाल नष्ट भएको छ ।
स्थानीय बासिन्दा र दमकलको सहयोगमा प्रहरीले आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको प्रहरीले जनाएको छ ।
