गम्भीर आशंका : झापामा बालक जेलभित्र नै मृत फेला
एकजना कैदीकाबन्दीको जेलभित्र ज्यान गएको छ । मेचीनगर–६, काँकरभिट्टाका १५ वर्षीय किरण कार्की ढोली (दर्जी) को हिरासतमा शंकास्पद मृत्यु भएको हो ।
यस घटना छानबिनका लागि प्रहरीले उनको परिवारसँग बयान लिएको छ ।
प्रहरीले इलाका, जिल्ला र प्रदेशस्तरका तीन समिति बनाएको थियो । प्रदेशस्तरीय छानबीन समितिले बुधबार राति मृतकका परिवारसँग सोधपुछ गरेको हो ।
एसएसपी किशोर दाहाल संयोजकत्वको तीन सदस्यीय टोलीले राति ९ बजेसम्म बयान लिएको जनाएको छ ।
मृतकका बुबा रमेशले बयान दिन इन्कार गरेका थिए । उनले भने, ‘बयान दिएर मेरो छोरो फर्किएर आउने होइन ।’
मृतककी दिदी प्रतिमा र भाउजू सिर्जनाले बयान दिएका थिए । किरणले हिरासतमा आत्महत्या गर्नै नसक्ने सिर्जनाले दावी गरेकी थिइन् ।
घटनापछि किरणको शव बुझ्न मेची अञ्चल अस्पतालसमेत पुगेकी उनले किरण झुन्डिएको स्थान हेर्छु भन्दा प्रहरीले नदिएको बताइन् ।
प्रहरीले घटनाका बारेमा अनुसन्धान गरिरहेको जनाएको छ । १८ बर्ष नपुगेकालाई कारागारमा नभई सुधार गृहमा राख्नुपर्ने कानून छ ।
तर उनी १५ बर्षकै उमेरमा जेलघरभित्रै कसरी मृत भए सबैले शंका गरेका छन् ।
