‘प्रहरी निरिक्षक बजगाँईलाई हटाएर अनुसन्धान शुरु गर्ने’
मोरङको पथरीशनिश्चरेका मेयर दिलिपकुमार राईले प्रहरी निरिक्षक कमल बजगाँईलाई हटाएर जिप्रकाबाट नयाँ टोलीलाई ल्याएर रिना मृत्यु प्रकरणको सत्यतथ्य सार्वजनिक गरिने बताउनुभएको छ।
आन्दोलित नगरबासीहरुलाई सम्बोधन गर्दै मेयर राईले त्यसो भन्नुभएको हो।
ईलाका प्रहरी कार्यालय पथरीका प्रमुख बजगाँईलाई हटाएर जिल्लाबाट टोली ल्याई घटनाको सत्यतथ्य सार्बजनिक गर्ने भन्दै मेयर राईले घटनाका शंकास्पद ब्यक्तिलाई नियन्त्रणमा लिइसकेका कारण घटनाको सत्यतथ्य चाँडै सार्बजनिक गर्ने जनाएपछि आक्रोशित स्थानीयको समुह नगरपालिकाबाट हटेको जनाईएको छ।
शनिबारदेखि अशान्त बनेको पथरीशनिश्चरेका स्थानीय बजारसहित पुर्बपश्चिम राजमार्ग बन्द गरेर आन्दोलित भएपछि प्रहरीले ज्यादती गरेको भन्दै नगरपालिका तोडफोड गर्न पुगेका थिए।
स्थानीयले पथरीशनिश्चरे १स्थित वडा कार्यालयमा ताला लगाएर आन्दोलन गरिरहेका बेला प्रहरीले बल प्रयोग गरेको थियो। स्थानीयले भने प्रहरीले ज्यादती गरेको र अपशब्द प्रयोग गरेको भन्दै नगरपालिकाको गेट तोडर नाराबाजी गरेका थिए।
दिनप्रतिदिन हत्या र हिंसा बढ्दापनि प्रहरीले सुरक्षा दिन नसकेको भन्दै सोमबार पथरीका स्थानीयले कविता पराजुलीको संयोजकत्वमा संघर्ष समिति गठन गरेका थिए।
शनिबार बिहान पथरी १मा कस्मेटिक पसल सञ्चालन गर्दै आएकी २९बर्षिया रिना बस्नेतको शव नग्न भेटिएपछि पथरीबासी आन्दोलित भएका हुन। पथरीमा यसअघि पनि सोही प्रकृतिका ५वटा घटना भईसकेका छन्।
