विश्व इतिहासको अर्को डरलाग्दो बम विष्फोट, १२९ जना मारिए तीन सय बढी घाइते !
श्रीलंकामा चर्च र होटलमा आक्रमणमा ठुलो धनजनको क्षति भएको छ । ‘ईस्टर सनडे’का अवसरमा प्रार्थना गरिरहेकालाई लक्षित गरी श्रीलंकाका विभिन्न ठाउँमा बम विस्फोट भएको जनाइएको छ । अन्तर्राष्ट्रिय सञ्चार संस्था दैनिक भास्करका अनुसार, यी धमाकामा कम्तीमा १२९ जनाले ज्यान गुमाएका छन् भने ३ सय बढी घाइते भएका छन् । राजधानीको शांग्रीला होटल, किंग्सबरी होटल र सिनमन ग्रान्ड होटलमा पनि बम विष्फोट गराइएको छ ।
घाइतेहरुलाई राजधानी कोलम्बोको विभिन्न अस्पाताल लगिएको छ । कोलम्बोको सेन्ट एन्टोनियो चर्च लगायतमा बम विस्फोट भएको हो । इस्टरको प्रार्थनाका लागि मानिसहरु एकत्रित भएको समयमा बम विस्फोट भएको जनाइएको छ । विस्फोटपछि शहरको सुरक्षा व्यवस्था कडा बनाइएको छ । घटनास्थलमा राहत र उद्धारको कार्य जारी छ । अहिलेसम्म यो घटनाको कसैले पनि जिम्मा लिएको छैन ।
