बन्दको समयमा गाडी चलाएको भन्दै मकवानपुरमा कुखुरा बोकेको गाडीमा आगजनी !
सरकारले प्रतिवन्ध लगाएपछि नेकपा विप्लव समूहले आह्वान गरेको नेपाल बन्दका कारण आज देशैभरीको अवस्था तनावग्रस्त बनेको छ ।
आज मकवानपुरमा २ सवारीसाधनमाथि आगजनी भएको छ ।
अज्ञात समूहले थाहा नगरमा कुखुरा बोकेको गाडी र भीमफेदी गाउँपालिकामा तरकारी बोक्ने गाडीमा आगजनी गरेको हो ।
जिल्ला प्रहरी कार्यालय मकवानपुरका अनुसार पालुङबाट कुखुरा बोकेर हेटौंडातर्फ आउँदै गरेको ना २ च ९०९४ नम्बरको गाडीमा तीन जनाको संख्यामा आएका व्यक्तिहरुले गाडी रोकेर आगजनी गरेको हुन् ।
त्यस्तै, भिमफेदी गाउँपालिका–९ मा तरकारी बोक्ने ना ४ ख ७९०६ नम्बरको अर्को गाडीमा पनि आगजनी भएको छ ।
क्षतिको विवरण भने आउँन बाँकी रहेको प्रहरीले जनाएको छ ।
