गाउँपालिकाको भवनमै हानियो बम, देशका विभिन्न भागमा शंकास्पद बस्तु भेटिए
आज विप्लव नेतृत्वको नेकपाको बन्दको प्रभाव देशका विभिन्न ठाँउमा देखिएको छ ।
ठाउँठाउँमा बिस्फोटका घटना भएका छन भने धेरै स्थानमा शंकास्पद बस्तु भेटिएको हुनाले सर्वसाधारण जनतामा ठुलो डर देखिएको छ ।
बिहीबार बिहानैदेखि देशका विभिन्न भागमा बम तथा शंकास्पद वस्तु फेला परिरहेका छन् ।
बम भेटिएको स्थानमा जनजीवन त्रसित बनेको छ ।
पाल्पामा गाउँपालिकाको भवनमै क्षति पुग्नेगरी बिस्फोट भएको छ ।
पाल्पा जिल्लाको रिब्दीकोट गाउँपालिका कार्यालय भवनमा बम विस्फोट भएपछि विस्फोटबाट भवनमा पुर्ण क्षति पुगेको छ ।
काभ्रेको पनौती–७, खोपासी जाने बाटोमा शंकास्पद वस्तु भेटिएपछि नेपाली सेनाको टोलीले निष्क्रिय गरेको छ ।
यस्तै, रुपन्देहीको कोटिहवा–बाउन्नकोटी लगायतका देशका विभिन्न क्षेत्रमा बम भेटिएका छन् ।
मकवापुरमा पनि बिहानै डरलाग्दो विष्फोट भएको छ ।
कैलालीको गोदावरी नगरपालिकाको अत्तरिया बजार, वौनिया, लम्की र राजीपुरमा शंकास्पद बस्तु भेटिएको हो ।
बम भेटिएको सूचना पाएलगत्तै सेनाको बम डिस्पोजल टोलीलाई खबर गरिएको प्रहरीले जनाएको छ ।
बाँकेको कोहलपुर, मोरङको बेलगाछी, अर्घाखाँचीको सन्धिखर्कमा पनि शंकास्पद वस्तु भेटिएका छन् ।
