कतारमा सुतेकै अवस्थामा नेपालीको मृत्यु
बैदेशिक रोजगारीको सिलसिलामा कतारमा रहेका एक नेपालीको सुतिरहेकै अवस्थामा मृत्यु भएको छ ।
लमजुङको दूधपोखरी गाउँपालिका २, बिचौरका ३८ वर्षीय इन्द्रप्रसाद दवाडीको मृत्यु भएको हो ।
राति सुतिरहेका दवाडीलाई छटपटाइरहेको देखेपछि साथीहरुले उपचारका लागि अस्पताल पु¥याएका थिए ।
दवाडी पछिल्लो समय ३ महिनाअघि बुवा गिरीधारी दवाडीको निधनपछि घर आएर फर्केका थिए।
आमा–बाबुको ३ महिनाको अन्तरमा निधन भएको थियो ।
मृतक दवाडीको श्रीमती, छोरीहरु १३ वर्षीया इना, ७ वर्षीया युनिका दवाडी र ५ वर्षीय छोरा युकेश दवाडी छन्।
उनको शव नेपाल ल्याउने तयारी भइरहेको बताइएको छ ।
