गुल्मीमा निर्माणाधिन पुल भत्किदाँ ठेकेदारसहित पाँच जना घाइते, ठेकेदार इटनीको अवस्था गम्भीर
गुल्मीको मुसिकोट नगरपालीकामा अवस्थित बडिघाट खोलामा निर्माणाधिन पुल भत्किदाँ ठेकेदारसहित पाँच जना घाइते भएका छन ।
मुसिकोट नगरपालीकाको वडा नम्वर ३ र ७ को सिमानामा पर्ने बडिघाट खोलाको झेदीमा निर्माण हुँदै गरेको पक्की पुल आईतवार ढलान गर्ने क्रममा भत्किएको प्रत्यक्षदर्शीले बताएका छन ।
पुल भाँचिदा ठेकेदारसहित पाँचजना घाइते भएको जिल्ला प्रहरी कार्यालय गुल्मीका प्रहरी निरीक्षक रवीन्द्रबहादुर खड्कालले बताएका छन ।
घाइते हुनेमा निर्माण व्यवसायी ऋषिराम इटानी, मुसिकोट नगरपालीकाका रामबहादुर राना, रुद्र बहादुर कार्की, गणेश राना र तुलबहादुर राना रहेकाछन् ।
घाइतेहरुलाई उपचारका लागि वाग्लुङ्गको हटिया लगिएकोमा पछि थप उपचारका लागि काठमाडाैँ लगिएको छ ।
घाइते मध्ये ठेकेदार इटनीको अवस्था गम्भीर रहेको छ ।
गएको तीन वर्षअघि ५ करोड १७ लाख लागतमा निर्माण सुरु भएको ५८ मिटर लम्बाई रहेको दुई वटा पिल्लरसहितको पुल ढलानको क्रममा भाँचिएको हो ।
पुल निर्माणको जिम्मा वाईपी जनवुद्ध निर्माण सेवाले गरिरहेकाे थियो ।
