अपराधि आमाः पूर्व सभासद् गायत्री शाहले अस्पतालमा जन्माएको छोरो छाडेर भागिन
आमा भन्ने बित्तिकै मानिसको मनमा अर्कै खालको माया र दया भाव अाउँछ । आमा शब्द जति प्यारो छ आमाले दिने माया त्यो भन्दा कयाैँ गुना ठूलो र गुनिलो हुन्छ ।
तर सबै आमा भने एकनासको हुँदैनन् । कतिपय अवस्थामा मान्छेहरूले नबुझेर आमाको कर्तव्य पूरा नगरेको त थाहा पाएका छाैँ ।
तर बुझेको र शिक्षित भनिएको मान्छेबाट आमा भन्ने शब्दकै खिल्ली उडाउने खालका अपराधिक गतिबिधि कमैमात्र सुन्न र देख्न पाइन्छ ।
यस्तै भएको छ काठमाडाैँमा ।
पूर्व सभासद् गायत्री शाहले आमा भन्ने शब्दकै खिल्ली उडाउने काम गरेकी छिन । अझ उनको अापराधिक मानसिकताको बयान गरेर साध्यै छैन ।
गत फागुन २८ गते ललितपुरको मेडिसटी अस्पतालमा छोरा जन्माएकी गायत्री शाहले सुस्तमनस्थिति भएको भन्दै छाडेर भागेकी छिन ।
झण्डै एक महिनादेखि बच्च अस्पतालको बेडमा रहेको छ । उनले बच्चा सुस्त मनस्थितिको भएको भन्दै छाडेर भागेकी हुन ।
गायत्रीले अस्पतालले बच्चा सुस्तमनस्थितिको भएको विषयमा अाफूलाइ पूर्व जानकारी दिएर गर्भपतन गर्न अस्पतालले सुझाव नदिएको भन्दै जन्मिएको बच्चा अस्पतालले हुर्काएर पाल्नुपर्ने बताएको अस्पताल प्रशासनले जनाएको छ ।
शाहले बच्चा अस्पतालले आजीवन पाल्नु पर्ने दबाब दिएकी छन् ।
गर्भावस्थामै बच्चा सुस्त मनस्थितिको भएको जानकारी नदिएको भन्दै उनले अस्पताललाई दोष दिएकी छन् ।
शाहले अस्पतालसँग आर्थिक क्षतिपूर्ति माग्न प्रेस विज्ञप्ती जारी गर्ने र धर्ना दिने गर्न थालेकी छन् ।
नेपाल मेडिसिटी अस्पतालले गर्भावस्थामा शिशु सुस्तमनस्थिति रहे नरहेको थाहा पाउन कठिन हुने र थाहा भए पनि पूर्व जानकारी दिनु गैरकानुनी हुने बताएको छ । अस्पतालले शिशुलाई एनआइसियुमा राखेर अझै जीवित राखेको छ ।
शिशु स्वस्थ रहेको र डिस्चार्ज गर्ने बेला भएको अस्पतालले जनाएको छ । शिशुको अधिकार हनन् भइरहेको तर्फ अस्पतालले ध्यानाकर्षण गराएको छ ।
गायत्री २०६४ सालको संविधानसभामा जनता दलको तर्फबा सभासद् भएकी थिइन ।
