त्रिवीमा शैक्षिक सुधारका लागि आएको रकमले श्रीमान लगेर विदेशमा मस्ती
शैक्षिक सुधारका लागि आएको रकम लिएर निजी भ्रमणमा गएको खुल्न आएको छ ।
त्रिभुवन विश्वविद्यालयको गुणस्तर सुधारका लागि युरोपियन युनियनको इरास्मस परियोजना (इक्यूएसए) बाट प्राप्त हुने रकममा ब्रम्हलुट हुने गरेको पाइएको हो ।
उक्त रकम शिक्षाध्यक्ष प्रा डा. सुधा त्रिपाठीले पदको दुरुपयोग गर्दै विदेश भ्रमणमा खर्चेको तथ्य भेटिएपछि यो रहस्यको पर्दाफास भएको हो ।
त्रिपाठीले आफ्ना श्रीमान् प्रा डा रमेशप्रसाद भट्टराईलाई विज्ञ बनाएर परियोजनाका हरेक भ्रमणमा सँगै लैजाने गरेपछि त्रिविभित्रै आक्रोश बढेको छ ।
परियोजनाको प्रमुख रेक्टर त्रिपाठीले परियोजनाले अहिलेसम्म को–कोलाई विदेश पठाएको छ भन्ने अधिकांश विषय गोप्य राख्ने गरेको जनाइएको छ ।
उक्त परियोजना अन्तर्गत विदेश भ्रमण जाँदा त्रिविलाई आर्थिक भार नपर्ने उल्लेख गरी बिदा स्वीकृत भए तापनि उहाँले दोहोरो सुविधा लिने गरेको स्रोतको दाबी छ ।
स्रोतका अनुसार रेक्टर त्रिपाठीले पति भट्टराईलाई ग्रिस, चेन्नाई, इटाली, स्पेन, चीन, अमेरिकालगायतका प्रायः देशको भ्रमणमा लैजाँदा परियोजनाको रकम खर्च गर्नुभएको खुल्न आएको छ ।
