भारतीय गाडीको जनकपुरमा यस्तो दादागिरी : दुध बेच्ने साइकल यात्री हानेर फरार
कारले साइकललाई ठक्कर दिदा साइकल यात्री गम्भिर घाइते भएका छन् ।
जनकपुरमा आज बिहान भारतीय नम्बरको स्कार्पियोको ठक्करबाट एक वृद्ध घाइते भएका हुन् ।
वृद्ध राम नारायण यादवलाई बी.आर. ३२ पि.ए. ३३५९ नम्बरको भारतीय सेतो रंगको स्कार्पियोले जनकपुर ७ स्थित वशिष्ठ चौकमा साईकलमा दूध बेच्न जाँदै गर्दा पछाडिबाट ठक्कर दिएको जनाइएको छ ।
जनकपुरको जीरो माइल तर्फबाट पश्चिम रामानन्द चौक जाने बाटोमा भारतीय नम्बरको उक्त गाड़ीले दूध बेच्ने यादवलाइ ठक्कर दिएको स्थानीयले जानकारी दिएका छन् ।
घाइते महोत्तरी निवासी यादवलाई थप उपचारका लागि अञ्चल अस्पतालमा लगिएको छ ।
अत्याधिक गतिमा रहेको गाड़ीले ठक्कर दिएर तत्काल स्कार्पियो चालक फरार भएको देखेपछि स्थानीयहरुले घाइते यादवलाई उठाएर प्राथमिक उपचार सुरु गरेका हुन् ।
घटनास्थलमा पुगेर अनुसन्धान अगाडी बढाएको प्रहरीले जनाएको छ ।
प्रहरीले तत्कालै चालक लुकेर बसेको ठाउँमा पुगी पक्राउ ग़री जनकपुर जीरो माइलस्थित जीरो माइल प्रहरी चौकीमा राखिएको छ ।
