सोमबारसम्म मौसम बदली रहने, काठमाडौँमा असिना पानी, हेर्नुहोस् तस्बीरमा
काठमाडाैँसहित देशभरको मौसम अहिले बदली भएको छ । अहिले काठमाडाैँ लगायतको स्थानमा हावाहुरी र मेघगर्जनसहित वर्षा भैरहेको छ । मौसम पूर्वानुमान महाशाखाका अनुसार पश्चिमी वायु, पूर्वमा बनेको न्यूनचापीय क्षेत्र, बंगालको खाडीबाट आएको जलवाष्पयुक्त हावा र स्थानीय वायुको प्रभावका कारण देशभरिकै मौसम बदली भएको हो । अहिले केही ठाउँमा पानी परिरहेको छ ।
माैसम बदली हुँदा यसको बढी असर अहिले काठमाण्डौसहित मध्य क्षेत्रमा धेरै देखिएको छ । महाशाखाले यसकै प्रभावले उपत्यकासहित देशका धेरै ठाउँमा मेघगर्जन, चट्याङ र हावाहुरीसहित पानी पर्ने भएकाले सतर्कता अपनाउन आग्रह गरेको छ । महासाखाले अझै करिब दुई घण्टाजति हावाहुरी र चट्याङसहित पानी पर्ने सम्भावना छ ।
झण्डै दुई घण्टा पानी परेपछि केही समय मौसम खुल्ने सम्भावना रहे पनि शनिबार दिउँसभरि नै पानी पर्ने सम्भावना रहेको छ । सोमबारसम्म माैसम यस्तै रहने महाशाखाले जनाएको छ । तलका तस्बीरहरू काठमाडाैँको टोखा नगरपालिका क्षेत्रको हो । तस्बीरहरूः दुर्गेश रञ्जितकार
